【拆局】
特首梁振英在上周四立法會答問大會，與泛民議員針鋒相對，昨日卻突然伸出橄欖枝，稱願與泛民在憲制基礎上對話。有泛民中人說，相信梁只是「做畀北京睇」，未必真心解結，因為他們收到消息，梁向北京表示有信心通過政改，「所謂伸出橄欖枝，只係為政改否決後，梁振英為自己向中央虛報軍情鋪定下台階，賴泛民唔肯傾」。
有泛民中人透露，他們一直收到訊息指中央希望政改通過，亦責成梁「搞掂佢」，「葉劉見完京官，都話中央仍想政改通過，顯示呢個訊息可信」。他們亦聽聞就算外界認為政改「九成九過唔到」，梁及特區政府仍向北京表示，在八．三一框架不改之下，有信心通過政改，「泛民真係睇唔到有乜機會過，唯一解釋係，好似梁家傑喺答問大會咁講，梁振英向中央虛報軍情」。
不過到政改否決後，梁難免要面對問責，所以該名泛民中人相信，梁突然向泛民伸出橄欖枝，無非為否決政改「鋪定下台階」，「係泛民唔肯傾、為反對而反對，所以先拉倒，唔係我（梁振英）向中央虛報軍情」。
■記者莫劍弦