【本報訊】細價樓繼續瘋癲。新界指標上車屋苑沙田第一城，施政報告後即破頂，兩房細戶首度升見近四百五十萬元。第一城細戶去年七月才首度升穿「四球」，短短半年樓價升近一成。
貴過上月連天台成交
美聯黃錦瀚表示，十六座高層C室，實用面積三百二十七方呎，原叫價四百六十五萬元，獲外區用家以四百四十四萬五千元承接，呎價一萬三千五百九十三元，成交金額屬屋苑細戶之癲；上月賣出一個連天台單位，最貴只是四百三十八萬元。原業主一九九一年僅以八十二萬五千元購入，升值逾四倍。
祥益蕭嘉偉表示，天水圍嘉湖山莊樂湖居五座中層F室，實用四百四十九方呎，業主提前與租客簽署退租書「交吉」賣樓，買家見二手缺盤，即使今年七月才交吉，但價錢吸引，以三百三十八萬元承接。
中原張光耀稱，鰂魚涌太古城昨再多兩宗買賣，其中洞庭閣極低層E室售六百三十三萬元，為本月十五宗成交中樓價最低。北角單幢樓破頂，世紀21北山嚴智贇指出，建華大廈中層B室實用三百九十七方呎，以五百九十三萬元成交，呎價一萬四千九百三十七元創物業新高。消息指，何文田半山壹號半山徑十七號中層戶售一千八百三十八萬元，原業主沽貨賬面賺逾四百萬元。