亞洲盃小組賽好快打到最後一輪，主辦國澳洲（圖）今日要同南韓爭首名出線。袋鼠國主場出擊非常有活力，頭兩場波各入四球，入波嘅仲差不多人人有份，隊中老大卡希爾繼續有好表現。相反，南韓雖有六分，但表現一般，上場仲大量輪換，明顯要留力打今場，所以可以預期一開波就鬥攻，先下手為強，但半場入球大有3.3倍又實在太吸引喇！要佢。
非洲國家盃今晚深夜亦開波，主辦國赤道幾內亞首先出戰對剛果。赤幾呢個國家好似好陌生，但其實陣中有位中場叫艾雲，係喺香港打港超球隊標準流浪㗎。佢一知道自己今晚有正選，就即刻打電話返香港報喜，同啲隊友講，球隊士氣好好，國家領導話贏波就大派獎金，講到咁掂，歐洲公司又全面睇好之下，咁就要信吓佢喇，主W有2.25倍，乘埋有7.4倍，相當和味。
講開艾雲同標準流浪，噚日見到青訓輝，當然要讚吓佢，呢期歐洲各大勁旅包括曼聯車仔等都為球員被非國盃國家召人而頭痛，但估唔到呢啲全球注目嘅比賽都可以同香港球隊拉上關係，我話佢搞波搞到咁都算威，亦算為香港球圈爭光呀，但青訓輝望住我一臉無耐咁話：「領隊，你真係有所不知，第一，我哋真係冇預算過佢會入選，第二，佢真係走得好急，封信一到就飛，搞到我哋失晒預算，而家仲要急急腳搵球員救亡，真係愁死班教練團！」
本地職業領隊
耳聽八方 專收好料
識睇，一定係睇足英台【英波Live】：
http://soccer.appledaily.com
http://bit.ly/engballlive