隔牆有耳：
睇宮廷京繡珍品沾龍氣 - 李八方

八方日出而作，日入而息，沾下龍氣，可能有運行，Landmark North上水廣場月底起，舉辦《燕京八絕．宮廷京繡殿堂展》，請到前清宮繡花局第四代傳人，京繡技藝大師姚富瑛獨家展出逾六十件工藝精緻嘅京繡藝術珍品，包括曾多次喺外國展出，榮獲「中國非物質文化遺產精品展」金獎嘅慈禧敞服，有興趣嘅市民，有機會近距離欣賞皇室御用尊貴工藝。

文官武將紋飾有別

其中最矜貴嘅，應該係二百多年前清代嘉慶年間宮廷京繡用品老京繡再花（修復），同清宣統年間一品文官仙鶴補服原物，據講係家傳之寶，繡紋表示官階差異最明顯之地方，文官繡有文禽、武將則繡有猛獸紋飾的「補子」。傳統京繡用色上以「黑為玄、黃為權、紅為喜、藍為貴」為標準，作品必須達到「平光齊韻、和順細密」之條件。