美國樂隊Maroon 5最近推出咗新歌《Sugar》嘅MV，製作形式都算幾得意，MV喺去年尾拍攝，主音Adam Levine於開場白話：「今日係十二月六號，我哋要開車橫越洛杉磯，盡我哋能力去突襲每個婚禮。」然後佢哋就先後抵達咗成七對新人嘅婚禮，但啲賓客都俾一班攞住工具衝入婚禮現場搭歌台嘅工作人員嚇親，結果布簾一落下，一對對新人見到Maroon 5演出，都覺得難以置信O晒嘴，有啲仲興奮到爆粗，然後就同啲賓客忘我地又唱又跳。Maroon 5向佢哋送上祝福，片尾Adam仲話：「多謝各位，呢樣係我做過最正嘅事！」相信呢件亦係好多新人結婚未曾想像過嘅興奮事！
撰文：太空漿