【壹週刊】為咗迎合春暖花開嘅季節，唔少牌子都會選用大自然嘅圖案嚟做設計元素，啱啱推出嘅Cruise或者Resort系列就係用咗花、葉、昆蟲、爬蟲類等 圖案，做出春回大地嘅感覺，你睇吓Bottega Veneta、Chanel同Gucci都設計出春天氣息嘅花裙，襯埋綠色主調、蟒蛇皮boots，簡直係用圖紋色澤話你知「春天來了」。
既然春天係開花嘅季節，又點會少得花葉圖案嘅服飾呢？！今季更特別以繪畫嘅方式做成印花圖案，感覺少女得嚟又modern同chic呀！
除咗一朵朵花嘅圖案之外，今季更有抽象化嘅花，好似呢條裙咁，用咗鬱金香花布條圍繞成螺旋形，襯埋大自然嘅草綠色同懷舊背心裙款，好有春風得意嘅感覺！
冬季有唔少豹紋，呢類動物紋嘅服飾；而春季呢？就有昆蟲圖案喇，不過今次唔係蝴蝶，而係飛蛾，襯埋雪紡飄逸質地，好夾又嬌俏！
印 花一向俾人一種sweet同girly嘅感覺，當然有花樣嘅女士就梗係絕襯啦！既然係咁，又點會少得一班靚女捧場客，喺名人當中，Jessica Alba應該係數一數二，行街、去event……一年四季都見佢鍾意著到花碌碌。其次，應該係傳媒都公認佢好識著衫嘅名媛Olivia Palermo，仲將花衫配搭出個chic style添！
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/