工聯會立法會議員郭偉強噚日喺立法會，向一眾建制派議員狂派「紅色炸彈」，皆因佢下月九號就會同拍拖兩年的女友拉埋天窗，不過佢話明婚宴只會請建制派朋友同官員，唔會請民主派，又話已請梁振英來影幅相，但梁至今未覆。
郭偉強同八方講，新娘係工聯會元朗區議員姚國威的妹妹，話自己本身同姚國威係好友，「我哋兄弟食飯時，咁啱有次佢（女友）來參加，之後幾次都有嚟，咁就識咗」。民記Tree根收帖時，聽到郭偉強話舊年已同女友去旅行時，即笑淫淫話郭偉強已「被人試用」，當郭怕醜否認時，Tree根再補多句：「試用有乜嘢問題？做嘢梗係要試吓先啦！」搞到郭偉強面都紅晒。