【壹週刊】梁潔華喺2013年底證實患上「急性骨髓性白血病」，先後接受五次化療，去年六月完成最後一次化療，癌細胞指數受到控制，依家已經完全康復。日前梁潔華仲同芷晴去咗中環揀包包，佢睇嚟精神好好，笑容滿面；喺舖入面睇睇吓，仲熱到除外套，證明身體恢復得唔錯。
梁潔華同芷晴滿載而歸，一人拎一大袋嘢走，見梁潔華都拎得好輕鬆，唔使囡囡幫手；不過上斜路就仲爭少少，要捉實芷晴隻手，借一借力行。芷晴接受電話訪問時表示，「是的，已經康復了。依家用中醫調理。（不用服西藥？）不用服藥，但要覆診，定期。」
梁潔華近日更重返保險工作嘅崗位，芷晴話，「佢近期開始重新上班，之前用電話跟同事聯絡，近期則開始上班。（她本身是否工作狂，所以這麼快重投工作？）都算是，多些工作，個人會較愉快。」
事 實上，醫生去年曾經叫梁潔華唔好去戲院、或者睇大戲等多人的地方，但現在佢陸續有去，可以約朋友去看戲，就連寵物都可以出席。芷晴話，「有個大型的狗狗聚 會，其實想舉行很久了，但她當時未康復，現在完全康復了，之前就帶了愛犬出席，現場有三四十隻狗，所以如今這些多人的活動，她已經可以出席。」
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/