有「小羅范」之稱既教育局常秘謝凌潔貞，做埋今日就可以同一直盛傳不合拍嘅局長吳得掂分道揚鑣，過檔食衞局搞禽流雞、骨盔龕同墳場，花名「車厘子」嘅謝太臨別秋波，終肯開腔評論前局長孫公孫明揚同吳得掂兩位上司。
車厘子話，孫公做教育局前，做過其他局長，「好多嘢知道遊戲規矩，唔講都會知道，因為佢比我更加經驗豐富」。至於吳得掂呢？「佢係有心做嘢嘅人。人工話高唔高，話低唔低，一個咁熱廚房，唔係想做啲嘢嘅人，點會敢走入嚟呀！」只係讚吳局長有熱情，至於能力，車厘子無講，但承認兩人經驗、睇法唔一致，需要時間磨合。車厘子又再澄清多一次，冇講過六四係歷史沙沙石石，睇嚟佢仲耿耿於懷。