雷神莫雷拉表示，1月25日香港速度系列首關、1000米一級賽百週年紀念短途盃，將夥拍賀廐「喜寶駒」上陣，此舉無疑令人意外。
雖然雷神曾策「喜寶駒」三勝，包括1000米直路賽，但雷神亦講過，上季佢騎姚本輝旗下、大哥大洪金寶的愛駒「崇山寶」，揚威杜拜阿喬斯短途錦標國際一級賽，是佢最難忘賽事之一。為何今次為咗「喜寶駒」，而放棄級數更高嘅「崇山寶」呢？
姚本輝解釋「崇山寶」之前腳部有問題，上月下旬至今個月初曾經停操，雷神較早前問輝哥「崇山寶」會否報名百週年紀念短途盃，當時輝哥回覆不太樂觀，怎料此駒近日迅速康復，本周一朝早亦恢復出跳，於是報名參賽。輝哥話會密切監察「崇山寶」的健康及狀態進展，如果1月22日排位前隻馬狀況理想，雷神有可能騎番「崇山寶」！