今年梁特喺《施政報告》話，曾經有一位5歲小朋友問佢：「行政長官，我長大後住哪裏？香港還有沒有足夠土地？」佢嘅回應都係啲行嘢，話增加土地供應需要更長時間，要開展長遠的土地規劃及開發工作之類咁。
好啦，已經唔好討論，點解呢個5歲小朋友可以咁早熟。但可以講，呢個小朋友係CY上年份《施政報告》唯一明顯兌現嘅事！
有心水清嘅高登仔「射立寺」就叫大家睇番上年份《施政報告》第119點：
「我經常想，如果今天幼稚園的小朋友問：『特首，我第時大個住邊度呀？』我如何回答？『冇地方住』是不可接受的答案。」
梁特首，你好叻叻豬呀！一年前「幻想」遇到一個咁有遠見嘅小朋友，今年你就真係俾你遇到，仲要問番條同一樣嘅問題。梁特首，你有預知能力嗎？
2014《施政報告》
http://www.policyaddress.gov.hk/2014/chi/p118.html
by千頌C@堆填區
http://fb.com/winbigwok