【本報訊】樓市瘋狂，連公屋都炒上「太空價」，拍得住同區私樓呎價。政府今日公佈施政報告，坊間揣測或有出售公屋計劃，但現有住戶卻寧租不買。
同是公屋人，當年一個決定，命運卻迥異。大埔公屋太和邨租戶劉先生連走兩次寶，錯過買公屋和居屋，人到中年，後悔當初沒有買樓，他無奈表示：「𠵱家揼到心口都裂埋喇！」街坊馮婆婆當年全家夾錢買公屋僅需逾20萬元，今日隨時可賺100萬元。
婆婆賬面賺百萬不賣
鄰近港鐵站的太和邨跟隨大市上升，呎價一度逼近萬元。劉先生是太和邨租戶，1998年抽中馬鞍山錦泰苑，最後因前景未明，放棄揀樓。
回想當年，劉先生無奈道：「呢件事係我心入邊鬱咗好多年，我都估唔到（樓價）飛成咁。」2000年又有上車機會，租住公屋被列入租置計劃，「折上折」售價約14萬元，又沒把握，他說：「買單位後要交差餉、管理費等雜費，咁我同交租有乜分別，當年我租金640蚊咋喎。」錯過兩次機會，「今日你叫我買，我都50出頭，我供得幾多年」。目前他繼續租住公屋。
相反，街坊馮婆婆2000年獲折上折以超過20萬元買入太和邨一個400多呎單位，馮婆婆表示：「當年如果我哋唔買，細路仔大咗做嘢，入息審查好鬼麻煩。如果超過入息上限要雙倍租。」且子女獨立遷離之後，公屋戶口人數減少會被迫遷往較細的單位，所以當年全家夾錢買公屋。
即使自置公屋升值不少，但是馮婆婆表明不會賣，打算在公屋養老。另外亦有不少街坊異口同聲認為，雖然賬面好像賺了錢，「但賣完間屋買唔番，揸住得個百零萬元，完全買唔番同樣面積和質素嘅單位」。
■記者陳東陽