【學者意見】
居屋重售大受上車客歡迎，但有學者擔心若市區居屋定價太高，「小心上咗車落唔返」。
城市大學建築科技學部高級講師潘永祥指，居屋有助解決住屋問題，由首批申請數字已可見其受歡迎程度。由於未來必推市區居屋，「到時一定唔使諗會搶爆」。惟以現時市價七折計算，啟德居屋難望賣得平。他指政府為市區居屋定價料有壓力，樓價太高會受輿論壓力，可考慮將同一期居屋，以不同折扣率定價，「市區可以高啲折扣率，新界就維持現時七折，但折讓唔可以定得太高，六折左右會較合理，否則加番上去亦有困難」。
經濟學者關焯照則提醒買家購市區居屋要衡量個人財政能力，若政府提供較大折扣率可助上車，但小心「落唔到車」。在上一次樓市高峯期過後，不少市區居屋以撻定告終，「買家真係要衡量自己能力買唔買得過，好多97年前後出售的居屋，去到近一、兩年大癲市先走得甩，小心入咗去出唔番嚟」。