意大利型男騎師杜滿萊，停賽期滿今戰復出，適逢剛過去的周日是其36歲牛一，當然希望有馬贏補祝生日。今期(14號)杜滿萊八匹座騎中，第二場「心花怒放」剛在上周三跑第三，匆匆換杜滿萊再跑，肯定有心補中，如果憑呢隻馬贏馬補祝生日，肯定心花怒放。仲有第七場「好愉快」亦係應景馬，前仗響同程谷草1200米跑第二，上次走去跑田草1400米輸咗唔作準，今期跑番上名路程，愉唔愉快要睇你喇杜滿萊！另外，尾場「其樂無窮」因柏寶未能造磅而換杜滿萊跑，剛戰「詠彩繽紛」成功打破三連捷魔咒，且看此駒能否效法。