前特首兼全國政協副主席董建華牽頭嘅團結香港基金又有新搞作，噚日宣佈成立一個由八人組成嘅研究諮詢委員會，由前港大法律學院公法及比較法中心訪問學者李浩然任副總幹事，成員就好多都係特首梁振英嘅班底，好似行會成員陳智思、經濟學者雷鼎鳴同王于漸，仲有醫學界嘅盧寵茂等等。
令八方最為意外嘅，係成員中竟然包括現為資深大律師嘅監警會前主席、最低工資委員會主席翟紹唐。其實翟紹唐雖然係公職王，但取態向來都傾向泛民陣營，最終佢埋堆為董營出謀獻計，唔通都想幫忙搞吓大和解？
至於呢個研究諮詢委員會研究啲乜呢？基金份新聞稿話，係為基金會嘅研究方向提出建議喎。