【使費多多】
入5百蚊紙搭巴士的小六男生林同學，每星期有8百元零用錢，一個月就有3千2百元。他說這4位數字的零用錢，扣除上學巴士車資及食早餐使費外，其餘全由他自由使用，大部份花在購買網絡遊戲點數卡及心愛的乒乓球拍上，亦經常請同學食下午茶，鮮有儲蓄。
愛買貴價乒乓球拍
林同學每日上學來回車費不需10元，午飯亦由家人付費向學校預訂，零用錢花費有限。但他迷上網絡遊戲，最愛熱門格鬥遊戲《英雄聯盟》（League of Legends，LOL），「一般嚟講，我會用嚟買（遊戲）點數，每星期買兩次，用咗千幾蚊喺《英雄聯盟》」。
身高1.73米的林同學亦愛打乒乓球，對乒乓球拍有相當要求，喜買高品質的球拍獨家專用，「最貴千幾蚊一塊，𠵱家屋企有6塊，加埋2千幾蚊」。
雖然花費多多，但他自言過去亦曾試過儲蓄，「舊年試過儲到5千蚊，但𠵱家唔想儲住」。除了買點數卡及乒乓球拍之外，他亦「經常請同學食嘢，多數放學後食炸雞，之後又食魚蛋燒賣，每次都用2百、3百蚊。」
■記者莫家文