「我唔可以再留喺度，真係要走啦。」叮噹走了，還拉了「超人」一齊，撤出香港。
憑良心講，叮噹的落腳點不會是開曼群島，最終，不可能跟超人一齊，拍住上。
政府可以走數，香港人冇得走。
留喺度，還要被逼啪補腦丸，相信馬航上身的林鄭的「機不可失」。
你估雨傘人好得閒咩？有學唔返有工唔開有屋唔住，夙夜匪懈79日，林鄭三人組眼尾沒瞄一下便把120萬曾經到場撐過雨傘運動的市民，貶為比一個鍾樹根都不如的廢柴！一向扮星爺其實更接近王晶的根叔，都識問阿娥心裏面那條蟲，到底，2017和打後那班政改機，還有乜發展空間，幾時會失聯？
有票，唔要！你睇馬路執鈔票，有乜好下場呢。連解款車也守不住尾門的今天，你信白票得？你是不是大雄？喂，叮噹和超人已經走了，你仲唔快啲起身？
我們不是查理，連儂牆畫花，只算搞花臣，應該唔使死。唔使死而一身揹N條罪的雨傘人，點會驚梁振英和他的替身連任N屆呢。