韋斯咸今屆表現令人喜出望外，在周二的英足盃第3圈重賽時，雖缺主力如前鋒迪亞法沙高及中場高耶迪等，但幸好「玻璃腳」前鋒安祖卡路爾已重拾射門鞋，加上對手愛華頓又近況沉兼傷兵多，「讓球」韋斯咸讓平/半，上盤可期。（球賽編號：星期二8；now621及632台明日3:45am直播）
經過季初5場各項賽事僅1勝後，韋斯咸越踢越順，目前在聯賽排第7位，可以專心攻盃賽。在周二的重賽迎愛華頓時，韋斯咸雖有前鋒迪亞法沙高因傷缺陣，中場高耶迪則要踢非國盃，但幸另一前鋒安祖卡路爾腳風頗順，配合主力如中場路蘭及達寧等，今役可以秤先。畢竟，拖肥糖近況甚頹，近11仗僅1勝，上仗打和曼城，亦似「反底」居多，加上傷兵滿營，門將侯活、後衞迪斯甸、中場奧士文及派拿等均未能候命，今役就算受讓，亦難看好。
信布城主場氣走唐卡士打
至於周二另一場心水英足盃重賽，就是英甲榜首隊布里斯托城可以擊敗到訪的中游球隊唐卡士打，開出讓半/一的上盤。布城近況甚佳，主場表現更加有保證，近5場主場全勝，其中前鋒馬特史密夫更近5場入9球。唐卡士打則有中場富文要踢非國盃而缺陣，近6次訪布城又只得1勝5負，今役料難爆冷。
賽制：英足盃重賽若兩隊在90分鐘內打和，則需加時30分鐘；加時後再和，則以互射12碼決勝。文︰吾中
識睇，一定係睇足英台【英波Live】：
http://soccer.appledaily.com
http://bit.ly/engballlive