【壹週刊】「Seamart」外賣海鮮火鍋店的四個老闆Shelley、Ryan、Eddie、Jun今年八月於堅尼地城開店，連湯底、火鍋料、爐具及煲一併送到府上。這盤生意看似簡單，但送貨速度卻成為他們面臨的難關，個個客都要求晚上六至八時收貨，但鋪頭只要兩個車手，一部電單車；一日有廿張單，一張去元朗、一張去錦田、一張去太子，我們在西環，一個地點，一來一回便個半小時。要保持海鮮新鮮，送貨要夠快，他們找的車手找外判，一張單分佣一成五。
以一張單平均一千五百元計，外判分得二百二十五元，油錢、隧道費他們包起，外判好搵過接街客。而平時他們讓駐店車手在其餘不需送貨的時段，幫其它餐廳送外賣做兼職賺多個錢，他們當然願意幫手搵人。
一出手就找到八名外判車手，願意在繁忙時間候命。店長Shelley亦會出「軟功」，致電熟客向他們坦言：「太多單張，擔心遲到，食材不新鮮，不如遲半小時？」客人一聽到「不新鮮」，都會張就一下。
成功解決問題，剛過去的聖誕節，生意急升至賺五萬。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/