【抗癌勇士司馬燕之親友封嘴】現年51歲的司馬燕受胃癌纏繞兩年，即使整個胃已經切除，又進行了多次化療，病情依然反反覆覆，去年10月傳出病危的她，體重更跌至只剩50磅瘦骨嶙峋，未料前日突然傳出她不敵病魔離世消息，加上其夫吳忠義未肯回應傳聞，至今只回應過一句：「No comment」，身邊好友又似有口難言，更加令人擔心。
司馬燕手機曾上線
昨日大批傳媒繼續守候司馬燕位於紅山半島寓所及東區醫院，但自前日下午5時10分，其夫吳忠義駕車載着兩名兒子返家後，至今未再露面，難過避世，而司馬燕的WhatsApp雖於昨日凌晨1時多曾經上線，但未知是否她本人。
本報昨日致電司馬燕好友吳麗珠，她說：「我真係唔知，我上星期一、二（5日、6日）探過佢，佢出咗院喺屋企，話想食葡撻，我就買咗畀佢食，佢病情都係反反覆覆，我連日嚟喺新光戲院做嘢，真係好忙，今日我打過畀佢老公（吳忠義），但佢都冇覆我。」
記者致電司馬燕另一位閨蜜周美鳳，她說：「我真係冇嘢講！任何嘢都留番畀佢先生講，我又唔係佢個腦，又唔係佢代言人，只係好朋友。」問她可知道吳忠義會否有甚麼要向傳媒公佈？周美鳳表示：「我真係唔知道，冇聯絡過，我都唔會主動打畀人問，總之有乜嘢要委託我做，我一定幫手。」
陳麗文唔聽電話
此外，謝天華岳母Alice Yu跟司馬燕是相識數十年的好朋友，司馬燕患病以來，她一直貼身照顧，甚至停工及搬往司馬燕寓所居住，方便照顧，而天華夫婦與司馬燕亦私交甚篤，不過昨日致電天華，但未獲回覆。致電其太太Tina，她只說：「我冇嘢答到你哋！」便匆匆掛線。
司馬燕表妹陳麗文昨日則全日沒有接聽電話，只在微博上載如常往教化妝班的相片。
採訪：黃曉妍、張俊銘、藍文浩
攝影：朱志聰、沈健程