【ATV告急之兩肋插刀】過往電視台派員參加公益金百萬行，人丁單薄的亞視例必淪為佈景板，然而，昨日假香港大球場舉行的「2014/2015公益金港島、九龍區百萬行」，無綫雖然派出佘詩曼、黎耀祥等小生花旦撐場，但亞視因近日四出撲水救亡及面臨被吊銷牌照厄運而成為全場焦點，風頭終於蓋過無綫。
密密搞騷籌款
亞視執行董事葉家寶昨帶領鎮台王牌劉錫賢、袁潔儀和蔡國威出席，亞洲會主席魏秋樺率會員撐場，大隊高舉「迎難而上」及「堅持不放棄」字牌，葉家寶更上前跟無綫高層李寶安握手搭膊頭合照，狀甚老友，其後起步時，不少市民力撐亞視說：「亞視，加油！」葉家寶即與對方握手合照。亞視出身的安德尊亦有趁機上前跟舊同事打招呼，但亞姐出身的陳煒卻無動於衷，直至步行結束後始上前敍舊。
葉家寶又表示下周五舉行的籌款音樂會估計有7位數字贊助，並謂：「以星光幫為主先，睇吓會唔會請到一兩個有份量歌手當特別嘉賓，我會聯絡吓小鳳姐（徐小鳳）。跟住仲搞1月31號《萬眾同心撐亞視》。」對於王征與前星光幫梁景煌的桃色糾紛，他說：「點解𠵱家先講？有證據點解嗰時唔講？我哋覺得博宣傳，𠵱家亞視好困難，仲喺傷口上灑鹽。」
李寶安昨表示花費數百萬向亞視購買600至700部粵語片版權，問是否幫亞視解財困，他說：「對大家都好，係保育，TVB本身有800幾部，ATV有700幾部，𠵱家希望搜集番晒。」葉家寶則指除粵語長片外，歡迎買家接洽其他綜藝節目和劇集版權。
返工自備廁紙
此外，袁潔儀被問到亞視拖欠外判清潔工薪酬導致衞生欠佳時說：「之前9月份都試過冇廁紙，不過衞生情況都冇乜特別，但有時要自備吓水同廁紙，好多人都習慣，會帶飯盒，唔爭在帶埋水，亞視員工適應力好強，去荒島都唔死得。」
採訪：黃曉妍
攝影：陳俊強