港台「第37屆十大中文金曲」前晚結束，張敬軒及容祖兒各奪四獎成大贏家，司儀多次在廣告時段語帶雙關提到雨傘運動，其中軒仔以「白布畫花」造型示人，似暗喻14歲粉筆花少女。奪得三個獎項的謝安琪（Kay）早前在叱咤頒獎禮上未有上台唱《撐起雨傘》，前晚她接受訪問時解釋，當時因身體不適，公司決定送她回家。對於有網民指她怕得罪內地，Kay說：「我原因係病，猜測嘅人可能自己有呢個擔心，我都估唔到自己嘔㗎。」
祖兒日前為男友劉浩龍客串電影《12金鴨》，她指與男友冇對手戲：「我係做闊太，最後會投入我老公阮兆祥嘅懷抱。前兩日同祥仔拍跳舞戲，佢抱起我360度轉圈，我驚一鬆手就錫落佢到。」
大會前晚向盧國沾頒發金針獎，由弟子羅嘉良頒獎，兩師徒曾因合約問題鬧不和，嘉良事後坦言最少廿年無見師傅：「有嘢今日都唔喺度，師傅都話過咗去，非常多謝佢84年發掘我，冇佢冇今日嘅我。」
採訪：王連連、盧妹
攝影：仇志德、陳順禎