現年51歲的司馬燕大前年患上胃癌,割胃保命,其間曾康復,但去年病情反覆,身體內臟逐一出現毛病,去年10月再入養和醫院留醫,更曾傳病情告急,但意志堅強的司馬燕在家人支持下再戰勝病魔,去年聖誕前更出院回家,跟至親開P慶祝。昨日又突傳出司馬燕病情有變,但表妹陳麗文(Polly)、好友周美鳳及謝天華先後否認。
老公陪做檢查
司馬燕聖誕期間曾在facebook貼出一張全家福照片,相中的她精神不錯,但明顯消瘦,有指她體重僅餘50磅。一向愛熱鬧的司馬燕更於平安夜低調邀了幾名閨蜜返家慶祝,面對一枱美食,她胃口很好,去年底司馬燕接受訪問時曾談及近況:「我OK呀!」中氣十足。在家休息的日子,她也會玩手機解悶,有時看看fb,有時則跟朋友短訊聯絡。由於天氣太凍,她多數足不出戶。記者昨日WhatsApp司馬燕,直至截稿前未見回覆。
有報道本月5日司馬燕在老公吳忠義陪同下再進養和檢查,昨日又突傳司馬燕病情有變,情況令人擔心。記者即致電司馬燕表妹Polly求證,她說:「表姐喺屋企休息緊,佢好好,之前報道話佢入院,其實係檢查啫,佢冇嘢,精神好好。」
謝天華:係流料
好友謝天華昨日也在電話訪問中說:「一個月前我WhatsApp過佢,話我就嚟做老竇喇,佢覆番我,把聲好精神,冇事。大家都知佢之前因為乜嘢事入院,所以都唔突然。但佢之後都返咗屋企啦,希望佢大步檻過。」謝天華其後致電司馬燕好友求證傳聞後再回覆:「啱啱問咗佢朋友,佢話係流料。朋友噚日先至同司馬燕傾完電話,大家畀時間佢好好休息啦。」
另一好友周美鳳表示聖誕前曾到馬燕家探訪,她說:「佢精神唔錯,佢當時都話遲啲又要再入院。其實佢成日都出入醫院,好正常,未知農曆年仲去唔去探佢,到時先算。」
採訪:劉敏、魯吉