有實力，真係唔使尋尋覓覓。前巴西國腳「獨狼」羅馬里奧今個月尾就滿49歲，但魅力依然，一樣吸引到青春少艾。最近羅生識咗位年僅19歲嘅嫩口女友，我求大俠真係羡慕死呀。
羅馬里奧嘅年輕金髮新女友迪詩（Dixie Pratt），係一位做歌手嘅美國人，但已經喺巴西住咗一段日子，連fb頭像都係着住巴甲法林明高波衫嘅相（圖）。據講喺12年離咗婚嘅羅馬里奧，同迪詩已經拍咗拖一段時間，上周五迪詩上載咗佢哋一齊去海灘玩嘅相上網，連羅生啲親戚朋友都一齊去埋，睇嚟關係相當唔錯。
羅馬里奧同新女友年齡相差29年，其實唔少「球王」都好呢味。74歲嘅比利喺上年第3次結婚，娶咗當時41歲嘅瑪絲亞（Marcia Aoki）；至於阿根廷代表馬勒當拿近年女友一個接一個，上年仲同24歲前足球員奧莉花（Rocio Oliva）去到談婚論嫁嘅地步，之後一度反咗面仲對簿公堂，但最近又話復合喎。
識睇，一定係睇足英台【英波Live】：
http://soccer.appledaily.com
http://bit.ly/engballlive