由美國男星賴恩雷諾士（Ryan Reynolds）主演嘅新片《The Voices》有新預告片播出，橋段都幾新鮮得意。電影明明係一齣講述連環殺手嘅古仔，但就用咗喜劇手法處理。
電影中賴恩應該係有社交障礙，唔識同女仔相處，又成日有幻想同幻象，佢已經成日同屋企飼養嘅寵物貓狗講嘢，當遇到珍瑪雅德頓（Gemma Arterton），仲以為人哋向佢放電引誘佢，佢唔小心殺咗珍瑪後將個頭帶返屋企放落雪櫃保鮮，又會不時餵佢食嘢同佢傾偈，之後賴恩遇到另一心儀對象安娜姬妲妮（Anna Kendrick），亦都搞到翻天覆地，被警察懷疑又搞到爆炸，電影cult味濃而且玩得幾盡，都幾令人期待。
撰文：多雪花