房祖名涉毒案昨日被判處有期徒刑6個月兼罰款人民幣2,000元，消息一出，不少藝人均希望給祖名一個機會。
蘇永康：「祖名係一個乖仔，只係一時行錯路，希望大家畀機會，呢件事相信對大哥（成龍）及嬌姐（林鳳嬌）傷害最大，刑期長定短冇人可評論，係國家的法律。」
陳蕊蕊：「佢已經受好大教訓，唔好理係重判定輕判，佢要承受同負責嘅嘢已經好大。呢個係好好警惕，令唔少行內人同年輕人知道唔好犯法，要做好自己，壓力係大但唔可以係藉口。」
小肥：「又唔係殺人放火，責任係自己，負咗就算，對藝人嚟講，呢個判決重㗎，又要承受好多輿論壓力。」
梁漢文：「我唔評論喇！人人都會錯，有錯就要改，改咗大家要接受及支持，今次好大教訓，好夠喇！」
