薛凱琪（Fiona）昨午在微博貼文為前緋聞男友房祖名隔空打氣：「昨天的我們是讓我們去學習明天如何做一個更好更開心，更珍惜天父所給我們生命的自己。」昨晚Fiona在紅館出席港台頒獎禮，對祖名被判刑半年，她說：「呢個係法庭決定，作為祖名好朋友冇意見，自己喺網上寫嘢鼓勵佢，𠵱家覺得鬆咗一口氣，起碼知佢幾時返屋企，雖然平時懶瞓，但今早都有關心佢消息。」
問有冇覺得祖名瘦了？她說：「都係眼細細，知佢平安就開心。15年開始希望大家都會好，佢咁後生仲細過我，作為教徒任何人經歷過嘅嘢都要擁抱佢，佢係好有愛心嘅人。」問Fiona祖名獲釋後會否盡快找他？她說：「想第一時間打畀佢同佢say hi，講新年快樂。」記者笑言應是情人節快樂，她笑說：「總之日日都快樂。」Fiona坦言過去半年一定有掛念，自己對他復出看法樂觀。祖名舊愛戴佩妮昨被問到是否鼓勵他東山再起？戴佩妮說：「我私下會跟他說。」
採訪、攝影：盧妹