之前已經講過周六跑馬容廐特別生猛，同日賽事一枝獨秀。結果上次周末日馬（12月20日）此廐勝出「贏男」，強勢創造周六賽事七連勝，豪奪八W八P，禮拜六之星當之無愧！食住條水，在新一年頭兩次田戰都有馬贏的容天鵬，今期(10日)派五匹精兵，列陣香港賽馬會130週年賽馬日，值得支持。
第六場「贏男」歷來三次在周末上陣獲一冠兩季，上賽在潘頓胯下大勝四班1600米開齋，開竅後好開續好乃普遍現象。今趟刻意再戰周末，換上韋達，騎練最近合作勝出「英才」，睇配搭有決心再下一城。
第十場「永同天下」今季大熟大勇，四戰一冠兩亞，上賽首負133頂磅不敵「日威夜威」、「萬事勇」等高手，可以體諒。今次潘頓停賽，找來級數更高的雷神執韁，擺出必拼姿態，而且強手之一「星航渡」退出，「永同天下」更可放心捧場。