泛民喺今個立法會會期，最成功莫過於突襲財委會轄下工務、人事編制兩個小組委員會，「佔奪」有決定性過半人數，失晒策嘅建制派為咗補飛，「冧友」要求逾期加入。
人事編制小組委員會20號開特別會議，討論向唔向呢班遲來的建制派開綠燈？但查實保險界陳健波早前已經講到明，唔會再參與任何相關特別委員會解釋、亦冇資料補充，因此被否決加入；餘下17名要求入會嘅建制派議員噚日亦回覆委員會，其中16個竟然都一致冇資料補充、亦拒出席會議，其中建築、測量及都市規劃界謝偉銓仲話：「本人將不希望主席處理本人的申請。但本人會考慮循其他渠道申請加入。」擺明想繞過小組，直接由建制派主導嘅財委會「一錘定音」。最終得九東謝偉俊話會開會解釋逾期加入原因咋。