巴塞隆拿𠵱家七國咁亂，教練安歷基被指同美斯等主力唔妥，足球總監蘇比沙列特（左）更加喺禮拜一就俾會長巴杜美炒咗，聽聞由佢簽返嚟嘅蘇亞雷斯（右）亦冇得留低。英國傳媒話，阿蘇冇咗蘇比沙列特呢個靠山後失勢，加上嚟咗西班牙後證明唔到佢7,500萬鎊嘅身價，截至禮拜三為止上陣12場僅入3球，所以巴塞亦想甩咗佢。話晒阿蘇都仲好當打，消息話車路士、曼城同埋阿仙奴都好有興趣帶佢返英超，準備喺今夏隨時出手。與此同時，會長巴杜美禮拜三決定提前喺今季季尾進行會長選舉，以緩和會內緊張嘅氣氛。
另外，巴塞因偷獵年輕球員而俾國際足協禁止喺2015年冬天同夏天轉會市場買人，令佢哋非常不滿，於是決定喺禁買令完結前杯葛國際足協所有活動，就算美斯入選今屆世界金球獎最後3強，亦唔會派代表出席下個禮拜一喺瑞士蘇黎世舉行嘅頒獎典禮。
識睇，一定係睇足英台【英波Live】：
http://soccer.appledaily.com
http://bit.ly/engballlive