名模Mandy Lieu（劉碧麗）去年9月高調承認跟已婚澳門猛人周焯華（洗米華）發展，自始，小三大鬥正印陳慧玲（Heidi）的情節，一幕比一幕精采，連月來正印不斷發功跟洗米華大晒幸福，聖誕全家到泰國享天倫，又晒280萬限量版開篷跑車，看似成功踢走第三者Mandy；同時Mandy則不顧小三的指控一直做跟得女友，陪男方四圍去。而上月Mandy被本報拍到獨自到養和醫院睇急症，原來Mandy與Heidi戲劇性地同步傳出懷有華種4個月。
洗米華畀足面正印，但有傳心繫Mandy，有報道指洗米華泰國旅行跟Heidi沒有交流，洗米華更急急離隊飛新加坡會Mandy，昨日有報道更指洗米華下令Mandy匿埋安胎，早前已坐私人飛機回大馬娘家的Mandy，獲安排以月租60萬豪住新加坡六星級Raffles酒店，該酒店二人曾經住過，Mandy相當喜歡酒店的環境，故洗米華便以月租形式租下總統套房，更逗留2星期陪伴，同時亦派保鑣24小時貼身照顧，Mandy得寵指數依然高企。
經理人：佢休息緊
本報昨日致電Mandy經理人Marie，她表示不清楚Mandy現時身處何地，她說：「佢𠵱家休息緊。我哋呢個星期都冇聯絡，所以唔清楚佢𠵱家喺邊。呢啲係佢嘅私事，唔想涉入，我哋聯絡都係傾工作上嘅事，佢𠵱家好好，我每次都有問候佢。」
採訪：栐仁
