【本報訊】2012年反國教一役初露頭角的學民思潮召集人黃之鋒，質疑陳佐洱的補腦言論是借勢重推國民教育：「佢只不過係會再去喚醒年輕一代，再次投身社會運動。好坦白講，如果冇國民教育科，亦都唔會有今日嘅黃之鋒，佢係咪想整多幾個黃之鋒出嚟呢？」他指若國教重來定必再引起反國教運動（下圖），更激發對中央不滿和不信任意識。
「老師冇逼你黃定藍」
陳佐洱形容佔領期間教育亂象叢生，黃之鋒反駁指年輕人參與政治運動是源於不滿政府，絕非教育亂象，「青少年政治參與，通識科都有教，你可以自己選擇支持佔領或反對佔領，你鍾意掛黃絲帶定藍絲帶，冇人阻你，老師亦冇威逼你一定要係黃定藍」。他又指，揮動港英旗、衝入解放軍軍營只屬少數人，「點解你要憑少數人所講嘅嘢，就定奪全個學界有問題，咁係強詞奪理嘅做法」。
先有北京護法前指香港教育要去殖民化，再有陳佐洱指港生要補腦。但黃之鋒指出，接連有學生被沒收回鄉證、拒絕入境內地，是中央政府拒絕讓年輕人去認識國家，「你有乜資格話香港年輕人唔願意了解國家，𠵱家係國家唔願意畀年輕人去了解」。
■記者王家文