2017特首普選到底係咪一如政務司司長林鄭月娥咁講係「機不可失」呢？八方冇做過民調，唔知大家係咪想對人大8.31下嘅政改方案「袋住先」，但好肯定第二輪政改宣傳單張（圖），吸引到好多市民注意，但大家唔係討論個設計得唔得，反而聚焦成張單張出現咗唔少數字，除咗以1至5列舉點解要袋住先嘅原因，頂上仲2017年四粒數。唔使數學夠好，一眼就會望到，呢張單張上嘅數，少咗邊幾個？等八方幫大家逐一數，6、8、9。原來政改向前走，係會冇咗6、8、9，哦，唔通就係政改過關嘅玄機？