【維基解密之互相扶持】周家怡和麥子樂都是佘詩曼的圈中好友，但兩人未有靠阿佘的名氣上位，反而在電視圈默默耕耘。家怡和麥子樂先後離開無綫，過檔香港電視成為旗下藝人，雖然面對前景感到迷茫，但二人仍感激王維基給予機會，演出從未做過的角色，尤以拍床上戲印象最深刻，挑戰尺度極限。
採訪：黃曉妍
在無綫多年的周家怡與麥子樂，一直苦無機會，每次被分派的角色都是閒角，最終選擇離開，加盟港視後，兩人的工作量及曝光率增多，更經常走在一起出席活動，麥子樂表示家怡是其胞姊的同學，故在12歲已經認識對方，家怡說：「我10幾歲已經識子樂，之後喺TVB做嘢相認，我同佢感情就好似姊弟咁，加上子樂同阿佘同一個契媽，所以我哋成日一齊出嚟玩，好熟。」
事前要Keep Fit
拍攝港視劇集，沒有太多限制，一班演員都可以放膽嘗試以前未曾試過的角色及尺度，周家怡在拍攝《導火新聞線》，有場戲講述姜文杰掀起她的衣服到bra的位置，是家怡最激的一次，她說：「姜文杰好緊張，因為我知佢都係第一次拍呢類戲，講佢仲要摸我個胸，不過佢唔敢，摸到附近就跳過我個胸，我哋全部人一齊笑，因為佢好尷尬，所以男仔係驚過女仔，佢哋怕俾人話博懵，事前我會畀信心佢，同佢講『唔緊要，摸啦！』最終佢都有摸，但係掃一掃咁。」
問家怡能否接受只穿內衣褲演出？她說：「如果有需要都冇問題，但事前就要做足準備，例如keep fit。」談到底線，家怡想了一想說：「最好唔好見毛，太私處嘅地方就唔好見。」如果導演要求背部全裸？她謂：「唔好見pat pat啦，裸背都OK。」
入行最激一次
至於麥子樂過檔港視後，亦有新嘗試，他說：「TVB年代，有劇拍就拍，唔敢接出面嘅工作做，但𠵱家我豁出去，而且公司（港視）畀我好大自由度，試過好多以前未做過嘅嘢，例如我拍《夜班》、《末日+5》飾演古惑仔。」
麥子樂在即將上映的電影《小姐誘心》中，與莊思敏有一場床上情慾戲，是他入行以來最激的一次，面對眼前只穿內衣褲的莊思敏，問他有否有生理反應？麥子樂坦言當時感到很尷尬：「呢啲嘢係喺屋企、房入面做，但𠵱家對住好多人做。」問會否擔心拍攝時觸及到對方的重要部位？他說：「事前喺化妝間，我同莊思敏講可能會唔小心掂到，話唔好意思，佢話唔緊要，你為部戲箒，我覺得佢好好。」
服裝：izzue（麥子樂）
家怡約滿搵人仔
周家怡於11年11月簽約港視後，獲安排到內地拍攝內地劇《天天有喜》賺人仔，在劇中飾演陳浩民阿嫂，之後再接拍港視劇《導火新聞線》，13年約滿港視回復自由身，將接拍一部內地劇及物色經理人。至於12年5月加盟港視的麥子樂，參與劇集《選戰》、《夜班》、《末日+5》、《開腦儆探》，以及在《三面形醫》客串一角，他透露今年5月將約滿，暫時仍未知道去向，但坦言希望可在演藝事業上有不同嘗試及發展。
