【鳩嗚乜乜乜】
英超球會阿仙奴、熱刺宣佈，禁止球迷在比賽日帶自拍神棍入球場。熱情球迷入到場玩自拍係「人之常情」，點解要落禁令咁絕情呀？
自拍神棍被《TIME》雜誌選為25個出色發明之一，英國《牛津字典》就將selfie列為2013年度風雲字，成班人合照有咗佢真係既方便又快捷。不過，隨之而來，就出現另一新詞selfie shame，講一啲冇公德心，攞住碌棍猛影唔理他人嘅冇品行為。
＃球迷投訴視線被阻
東京迪士尼、南韓已禁止用神棍，英超球會阿仙奴、熱刺都宣佈，禁止球迷喺比賽日帶神棍入球場，因為球迷投訴視線被阻。咁又係，本來就快入波，突然凌空飄來一部手機，啱啱遮住入波一刻，真係慈母都有火！球會又話神棍有可能會成為「武器」，危害球迷安全。
不過，其實好多球星都係自拍狂，包括阿仙奴前鋒山齊士（Alexis Sanchez）成日上載半裸自拍，之前仲成友一齊Usie，仲睇到阿歷斯山齊士手執神棍（圖）。愛華頓和史雲斯都喺球場商品店賣「神棍」掠球迷一筆。其實大家自律吓咪得囉，唔使吓吓要人禁先得㗎。
周一至周五刊出
費清 ＃要生計，也要生活 ＃毋忘初衷