周六沙田七草三泥賽事，草地用全闊A跑道作賽，近幾次田A欄都係追好過放，以最近12月14日賽事為例，當日總共有七匹頭馬係居中後上勝出，好似「直震撼」、「威爾頓」、「大印銀紙」及「共創美夢」早段都係留守尾叠，入直路發力反先對手，所以大家不宜過份側重前置馬。
今戰列陣馬中，第四場「共創美好」上仗正是於12月14日田A欄贏馬，勝後等番同一移欄先再跑可添食。另外，尾場「永同天下」兩戰田A欄非冠即亞，重返強項可望回復表現。
至於泥地方面近期好利追，好似「好爽趣」、「好腳頭」、「真如燕」及「競駿才子」都係後上建功，頭場「彩球」、二場「奪目商人」及七場「同個夢想」等擅跑泥地之後追馬可優先留意。