香港市場向來充斥大量「霸權」，大家講得最多的是地產、電視，但其實我們日常生活經常購買的日用品、食品，表面上好似有很多商戶競爭、有大量產品選擇，但背後仍然是被少數財團及連鎖集團所壟斷。
例如最近日圓急跌、美元走強，按道理我們買日本貨品應該平咗唔少。聞說某香港代理商，其代理的一隻相當受歡迎的日本醬油，過去半年日圓累跌了近15%，但其批發價卻一直沒有調整。
由於零售價高企，醬油銷量自然無力再上，但咁又有乜所謂呢？超市壟斷市場，就算坐喺到、無生意做，收上架費都有錢賺㗎啦！又點會咁辛苦去諗點做多啲生意？直至有商戶，近日決定開始直接向日本廠家攞貨，一支醬油賣平6蚊，呢班代理商、超市才如夢初醒，急急降價。
仲有我們每年都幫襯唔少的金莎朱古力禮盒。你認為有咁多雜貨舖、超市、百貨、便利店，在過年前會鬥減價爭生意？多年來市場一直有傳，各大零售商每逢新年前就會舉辦一次年度茶聚，名為交流市場訊息，實為取得「默契」。邊個開始減價去貨先？邊個接力清埋幾隻櫃？畫個時間表畀你都仲得。競爭？做戲㗎咋。
海迪