泛民噚日撐傘離席抗議政改次輪諮詢，令立法會議事廳剩番建制派，點估到清一色建制議員，Tree根竟變身泛民，篤爆政府𠱁人袋住先嘅陽謀。
佢喺席間問林鄭，如果2017後嘅政制發展仍須建基於《基本法》同人大框架，仲有咩發展空間呢？查實係人都知，答案係「冇」，但林鄭點敢咁答？佢只係話政制發展有不斷演化嘅過程，亦係建基於《基本法》第45條循序漸進原則發展，堅持有足夠空間繼續優化。Tree根其實不滿林鄭個答案，仲想繼續跟進，但被主席曾鈺成以程序不合禁止。
Tree根此醒目提問獲泛民爆like。長毛喺fb大讚「Tree根議員叻叻豬喎，終於發現問題」；慢必亦話Tree根嘅問題係「The best question of the day」。