早前因為確診胃黏膜淋巴腫瘤，要向立法會請大假治療嘅工黨張國柱，噚日假後首次出席立法會大會（圖）。八方見阿柱面色唔錯，仲同泛民議員一齊舉黃傘離席抗議。阿柱話，10月至11月期間已完成24次電療，12月則全部用嚟休養同睇中醫，透露現時每日早晚都會飲中藥。佢話中西合璧效果幾好，現時感覺良好同開胃咗，估計係因為腫瘤已縮細。
佢仲透露，11月因為如常做委員會主席，主持福利事務委員會會議，被該會副主席、工聯會嫻姐鬧，話佢病咗就唔應該再咁搏，所以阿柱12月有一半時間都交畀嫻姐主持。嚟緊由於要爭取時間休養，佢準備退出更多委員會。