藍，唔只係一種顏色，仲可能係一種政治態度。政務司司長林鄭月娥噚日推銷第二輪政改諮詢，雖然諮詢文件封面係白色，但佢噚日卻以一身鮮藍套裝襯淺藍上衣登場（圖），夠sharp又夠政治正確，但嗰個花花心口針，點解要掛在身？八方真係唔知嘞，只係聽聞唔少政府中人都話未見過佢呢套衫，相信係新添置。相對去年7月中首輪政改諮詢啟動時，林鄭以黑色外套配彩色上衣，呢一次嘅藍，似乎特別有意思。
另一個政改三組成員，政制及內地事務局局長譚志源，噚日則以藍呔亮相，佢話冇乜政治考慮，只係屋企無乜黃呔、打黑呔又唔多好箒。另一位三人組成員、律政司司長袁國強則打紫色呔，冇同另外兩位組員襯到絕。