【本報訊】亞視執行董事葉家寶昨在大埔總台錄影《ATV這一家》，對於德勤宣佈招標出售亞視部份股份，葉家寶說：「其實𠵱家已經交咗畀德勤做亞視嘅經理人，相信佢哋為亞視爭取最好嘅利益。」有傳亞視廠房已做了抵押貸款，他回應說：「照我自己所知悉，呢個地方係屬於科學園，暫時都冇知道做咗按揭。」談到續牌最新情況，他說：「我哋未有最新嘅資料，唔敢作出任何估計，公司財政係好重要因素，我諗唔係股東財政有問題，相信只係佢哋脈搏唔一致。」
「唔希望喺監房先見到我」
亞視因拖欠薪金而遭勞工處發傳票，葉家寶說自己與公司分別收到17張傳票，他苦笑說：「唔希望喺監房先見到我，呢個月31日會去（法庭）解釋。對於勞工處會採取乜嘢行動，唔擔心得咁多，只係希望唔同方法去解決出糧嘅問題。」他相信員工今日會收到11月餘下薪金。
葉談到楊受成稱任何人做白武士救亞視都很辛苦，葉家寶說：「其實做乜嘢都辛苦，營運亞視係有方法。」
對於亞視股東蔡衍明早前怒轟葉家寶是王征的「走狗」，他說：「每個老闆對員工都會有不滿，如果我有做得唔啱，蔡生可以指正我，等我作出改善。」目前亞視除了考慮推出新年、情人節廣告計劃外，亦有意在本月23日舉行《星光再現演唱會》，但他否認是籌款出糧活動。此外，曾經效力亞視的羅霖和梁安琪則分別贊助節目和落廣告，希望出一分力。
■記者張俊銘