今年34歲嘅英超老牌雄師利物浦球會隊長謝拉特宣佈季後離開英超，誓不與母會利物浦為敵，但唔會退休住，即係話，佢只有一條「錢路」好走，就係到美國MLS踢波，落班邊一隊，未有定案，英美體育記者猜測佢最有可能繼碧咸、羅比堅尼之後，加盟洛杉磯銀河隊。銀河係上屆MLS冠軍，碰啱代表性老將當奴雲因落選2014年世界盃美國國家隊，意興闌珊，索性在球會攞到冠軍後就宣佈退休，年紀更大一啲嘅謝拉特正好填補當奴雲個位。
謝拉特離開英超，係足球界震撼性新聞，佢在利物浦市附近出生，自細（8歲）就加入利物浦少訓、青訓班，18歲（1998）就第一次代表利物浦踢英超，2005年以隊長身份，率領利物浦在歐聯決賽神奇反勝AC米蘭，取得歐聯冠軍，係佢一生最高足球榮譽，呢場比賽利物浦上半場落後○比三，人人諗住輸梗，點知下半場謝拉特博得十二碼，之後追平三比三，最後互射十二碼，利物浦以三比二擊敗AC，構成歐聯決賽最扣人心弦嘅經典賽事，名留體育史。那一年，謝拉特只有25歲，正值足球名將的盛年。
對謝拉特來說，足球生涯的最大遺憾就是（一）未能替利物浦取得第一次英超冠軍，去年本已手握盃耳，怎知道就是他自己對車路士一場創下全季最大失誤，後場跣腳，給丹巴巴亞搶得皮球，單刀射入，利物浦就此斷送了英超冠軍美夢；（二）未能為英格蘭在國際賽取得任何一項決賽資格，2001年英格蘭在慕尼黑大勝德國五比一，他射入一球世界波，奧雲大演帽子戲法，世人曾以為英格蘭的黃金一代（碧咸、奧雲、謝拉特、泰利、費迪南、史高斯、林柏特等）大有希望在2002年爭奪世界盃，誰知十四年來，一無所獲，黃金一代垂垂老矣，今謝拉特也退出英超，英格蘭足球隊前景維艱。一位退休利物浦球員話Daglish（杜格利殊）與謝拉特是利物浦歷史上最偉大球員，杜格利殊的利物浦無堅不摧，攞盡所有冠軍獎項，謝拉特的成績似乎遠遠比不上。但不可不知的是，1980年代嘅利物浦，球星如雲，粒粒皆星，前鋒有杜格利殊、魯殊，中場有桑拿士、漢威，後防有漢臣、堅尼地，守門員有基文斯，與當年比較，21世紀嘅利物浦有乜世界級球星在陣扶助謝拉特？正是時也命也，謝拉特拒絕為冠軍榮譽而轉會（如NBA巨星勒邦占士），只能落寞收場！