亞視股東內訌，一直拖糧，11月餘下嗰半份糧，終於有希望，但12月嘅糧，又唔知幾時出到。雖然有汗出、冇糧出，但係新聞部一班仍然留守嘅員工繼續堅守崗位，專業採訪同報道。
噚日房委會開記者會，交代最新嘅財政狀況，市民都非常關注，亞視女記者黃婉晴一早就到場睇資料，喺記者會上問房委會財務小組主席蘇偉文問題，絕冇因為暫做「義工」而hea做。
不過，當黃婉晴問完問題後，蘇偉文卻冇即時答問題，反而有感而發，向黃婉晴講要有信心，迎難而上，機構遇到咁嘅情況，大家都會支持你，蘇教授講完打氣說話，先至答問題，真係有心。𠵱家亞視冇糧出一事全城關注，好多政界中人見到亞視記者出動，都先慰問佢哋，真係人間有情。