苗僑偉與戚美珍前晚為結婚25周年舉行銀婚紀念派對，一眾藝人包括劉德華、湯鎭業、黃日華等令四虎難得聚首，可惜五虎將獨欠梁朝偉一人，難怪太太劉嘉玲要代他出席，她還貼相上微博分享。
嘉玲昨日現身觀塘，為主演的舞台劇《杜老誌》第三度加開15場舉行記者會，提到前晚的派對，嘉玲大讚感動，她說：「成晚都好好玩好感動，佢哋拍拖8年，結婚25年，總共33年好漫長。」派對上五虎合照獨欠梁朝偉，由她頂上，嘉玲說：「我唔係代表，我都識佢哋有份出席，欠佢係有啲遺憾，都有邀請佢，不過佢要去北京出席首映，會有機會嘅。」嘉玲透露五虎合照是想送給阿戚作禮物，等大家緬懷以往一起拍戲、食飯與玩樂的日子。
夢想上太空探索
稍後嘉玲將與姜文、姚晨等參與內地節目《造夢者》，嘉玲指節目是想喚醒每個人都要有夢想，問她有甚麼夢想？她說：「開拓新領域同睇多啲唔同嘅嘢，希望有生之年上太空，人一世物一世。」是否跟偉仔上太空？她說：「佢好細膽，正如好似葛優都唔敢坐飛機，我哋呢啲愛冒險嘅人係要探索吓世界。」
而梁朝偉正身在北京，與章子怡及張震等一同出席電影《一代宗師3D》的宣傳活動，眾人更由巨星變成徒弟，替教導他們的宗師舉行謝師儀式，章子怡更笑言開心見到老師之餘，仍然心驚驚。
採訪：馬建華
攝影：陳慧安
