【創業Startup】
不少創業家都有個「矽谷夢」，港人陳文軒（Simon）去年就與人合夥於矽谷成立PredictionIO。他三度創業，在旁人眼中他是冒險家。不過他認為，創業家的根本精神卻是「避險」。
Simon不特別喜歡冒險，「其實創業家最鍾意係解決問題，所以我哋就要做唔同實驗，用最低成本去減低、解決過程中遇到嘅風險。」
曾經失敗 醒覺「唔熟唔做」
PredictionIO通過開發開放源碼機器學習平台，令一般開發者亦能為自己的產品加入人工智能技術。公司於去年7月新一輪集資中，籌得近2,000萬元。
今日Simon能成為矽谷人，有賴過去失敗的創業經驗令他醒覺，知道「唔熟唔做」。Simon大學畢業後，曾成立網上導師平台，獲不錯成績，及後因簽證問題，賣盤兼回流香港。然後再創立網上社交平台「蛙爪」，起初發展不俗，更曾複製至廣州，「去到先發現原來香港個模式喺當地唔work。」加上金融海嘯，「蛙爪」宣告失敗。
不少創業家都會以香港測試產品市場，Simon作為過來人，指香港市場太獨特、太細，如果希望產品最終能全球化，「寧願一開始辛苦啲，好似aNobii、EditGrid咁，一開始就打外國市場。」
有人說創業要堅持，但Simon最終決定重新出發。問到如何判斷「分手斬纜」時機，「當你發現你最初想解決嘅問題，有人已用更好嘅方法解決咗，或個問題已經唔再係問題，咁你就應該要放棄。」
飄洋過海到矽谷，Simon認為是值得，一方面公司業務主打新科技，矽谷接近客源、投資者；至於創業氣氛亦為一大原因。
當地重視創業傳承，上一輩創業家均願意分享創業心得，「好多時面對面傾，你先有靈感。」同時，當地有大量co-working space，可隨時與其他創業家互相交流，被問到會否怕被「抄橋」，他不以為然，認為成功的重點不在於「橋」，而在於執行方法。
記者：倪敏慧