今季嚟客串嘅騎師已經有李富、艾兆禮提早鬆人；留得番響度嘅，必有本事攞到好成績。好似李寶利，最近整咗鋪大四喜，呢位係生仔的確係好嘢。
反而紀仁安上月嚟香港跑國際賽，雖然憑住外隊馬「富林特郡」贏香港瓶，但元旦日起展開客串期，跑咗兩個賽日仲未開糊，似乎稍稍令人失望。不過紀仁安騎功肯定唔會曳過李寶利，未開糊只係時間問題啫。
好似今期夜馬，紀仁安騎七隻，應有機會打破悶局。頭場「加有利」啱啱跑完，而且仲可以跑第三，證明狀態嚟咗，今場紀仁安接手，整個頭糊有乜奇！
尾兩場「確威龍」同「魅力星」都係路程專家，而且仲係雙雙落班跑，對手減弱下，食埋尾口孖寶唔係天方夜譚。