見到當年Angelababy、Janice Man同周秀娜都喺「o靚模」界闖出名堂，令唔少後生女都有個志願---「我要做o靚模」。時至今日，佢哋都上晒位，一個係「海綿蛋糕」嘅準老婆；一個就升呢做「模Art」；一個做事業女強人。不過Angelababy就一直都搣唔甩疑似「整容」嘅傳聞。
Angelababy日前喺微博晒同爸媽嘅合照，一家三口好鬼馬咁扮「鬥雞眼」。佢更留言「大家好，我是Angelahoney我覺得我是我們家最好看的。我成年啦。」另外，Angelababy仲開心share咗兩張親弟嘅相。
點知幾張相卻引起網民嘅罵戰，有人批評Angelababy同以前啲舊相個樣唔多似，有人就覺得佢親弟好似以前嘅佢。不過都有網民撐Angelababy根本冇整過。唉~！估計Angelababy點都冇諗到，本來只係想同大家分享下家庭幸福，居然就再被翻出整容疑雲。