【壹週刊】方健儀、趙海珠兩位前無綫主播，兩人從前相處不多，反而離開大台後，仲有機會一齊歎high tea。
今日兩人就一齊到朗廷酒店，試酒店同英國瓷器品牌Wedgwood 合作嘅下午茶。方健儀說：『其實我平時都唔會影食物啲相，好多人見都會影，但係tea 本身去食時好難忍手唔影，因為好靚個藝術品，呢個都係我鍾意食tea 嘅原因。唔知幾時開始，做記者工作壓力大，好似去到宜家我都有一班tea 腳，得閒都會約出來食tea。通常食tea 地方都係好relax好放鬆地方，見到一個咁靚嘅藝術品，係relax 地方，加埋悠揚音樂同三五知己享受一個下午。』
但已當人母嘅趙海珠，出門要帶兒子，食tea 之餘也要照顧小孩，tea 就變成親子Gathering。
趙海珠說：『以前未有小朋友之前通常同朋友，我鍾意成班女仔一齊傾吓心事。
但有咗小朋友後難咗啦！因為好難抽時間丟下小朋友一個人出嚟，有一次我就決定，因為我有幾個朋友都有小朋友，不如嘗試帶埋囝囝出嚟你tea 睇吓得唔得。』
『所以我揀有梳化食tea 嘅地方，小朋友可以圍住梳化玩，佢哋都有佢哋開心玩，我哋幾個大人就傾吓偈呀。』宜家變咗食tea 唔再係自己嘅活動，真係可以帶埋小朋友出嚟Gathering。
iPhone版下載： http://goo.gl/1SDaWF
Android版下載： http://goo.gl/xfQS8D
壹週Plus網頁： http://nextplus.nextmedia.com/