「紅唇烈燄 極待撫慰……」八方因乜解究K蟲上身，仲哼住八、九十後讀者未必識嘅歌？因為一條紅唇裙，引發八方嘅無限唱意。
曾是煲呔愛將
話說香港迪士尼樂園即將興建第三間酒店，前日舉行動土儀式，財政司司長曾俊華、商務及經濟發展局局長蘇錦樑，以及一眾迪士尼高層都有出現，但現場最矚目，竟然係接任旅遊事務專員冇耐嘅前特首煲呔曾愛將朱曼鈴。
平時打扮都好有心得嘅Cathy，前日着咗條黑色裙，裙嘅周圍，都有火紅朱唇，在場人士都話條裙好搶眼，尤其喺一班男士中更加突出，怪唔得惹嚟唔少人行注目禮。
原為駐京辦主任嘅Cathy，上月22日先調返香港出任旅遊事務專員，據知，扣埋聖誕同新年假期，佢只不過喺新工作崗位返工大約十日，據講佢已經對新職位適應暢順。呢啲咪資深AO嘅功力囉！