「90後」已經24歲出頭，讀完大學開始陸續投身社會打工，老闆對呢班生力軍印象如何？香港中小企促進聯會會長林國雄對佢哋嘅印象係：「玩手機好叻，但工作價值觀好唔同……以前兩個人做嘅工作，𠵱家要3、4個人做！」言下之意，即係話佢哋唔勤力囉。
林老闆又話，𠵱家企業最想請到具有創意嘅人才，幫佢哋搵多啲生意，「唔係想請Yes Man」。據該會主辦嘅「港企營商信心及市場營銷計劃2015」調查顯示，212名受訪港商中，九成希望請到具創意，同埋能提供大膽創新建議嘅人，83%考慮求職者夠唔夠主動性，49%要求有市場觸覺。
有要求當然有代價，咁老闆又可以出幾多錢，請有創意嘅員工呢？林國雄好豪咁話：「人工要求幾多冇問題，視乎佢為老闆賺到幾多錢！」大家識做啦。